Fasteignagátt Þjóðskrár hefur endurbætt upplýsingagjöf um fyrstu kaupendur á fasteignamarkaði. Meðalaldur fyrstu kaupenda á öðrum ársfjórðungi á Norðurlandi vestra var 26,5 ára en 29,9 ára á Höfuðborgarsvæðinu. Meðalaldur fyrstu kaupenda um allt land var um 29,7 ár.
Þetta kemur fram í frétt á vef Þjóðskrár.
“Finna má upplýsingar um meðalaldur, meðalstærð og meðalverð fasteigna fyrstu kaupenda í endurbættu talnaefni í Fasteignagátt Þjóðskrár,” segir í fréttinni.
Sjá einnig: Höfuðborgarsvæðið leiðir hækkanir
Fyrstu kaupendur keyptu stærstu eignirnar á Norðurlandi Vestra sem voru að meðaltali 132,8 fermetrar á öðrum ársfjórðungi en minnstu eignirnar á Höfuðborgarsvæðinu sem voru að meðaltali um 94,7 fermetrar.
Meðalkaupverðið fyrir fyrstu kaupendur var hæst á höfuðborgarsvæðinu á öðrum ársfjórðungi eða um 50,4 m.kr en lægst á Vestfjörðrum eða um 25,5 m.kr. Þeir sem hafa keypt áður keyptu fasteignir fyrir að meðaltali 69,5 m.kr. á Höfuðborgarsvæðinu en um 28,4 m.kr. á Vestfjörðum.
Sjá einnig: Meðalsölutími íbúða hefur aldrei verið styttri
Auglýsing
Auglýsing
Höfundur
