Nýtt fasteignamat tók gildi þann 31. desember 2022 en heildarvirði allra fasteigna landsins, bæði fyrir íbúðarhús og atvinnuhúsnæði telst vera 12.800 milljarðar króna en alls eru um 220 þúsund fasteignir á Íslandi. Verðmæti þeirra jókst talsvert milli ára, eða um 2.100 milljarða króna. Miðað við þessar tölur jafngildir þetta 33 milljónum króna á hvern íbúa á Íslandi eða um 42 milljónir á hvern íbúa sem er 18 ára og eldri. Þetta kemur fram í frétt á vef HMS.
Sjá einnig: Fasteignamarkaður heldur áfram að kólna
Á að gefa raunhæfa mynd af verðmæti fasteigna
“Fasteignamatið er endurmetið árlega og var matið, sem nú tekur gildi, fyrst kynnt fasteignaeigendum í júní og miðaðist við gangverð fasteigna í febrúar 2022. Verðþróun það sem eftir lifir af árinu kemur ekki inn í matið fyrr en árið á eftir. Fjölmörg tól og gagnabankar nýtast við verðmatið en aðferðafræðin sem notuð er við fasteignamatið á að gefa raunhæfa mynd af verði fasteigna. Meðal annars er horft til nýlegra viðskipta með sambærilegt húsnæði á hverjum stað,” segir í skýrslunni.
Fasteignamatið er mikilvægt annars vegar fyrir fjármálastofnanir, sem nota fasteignamat við lánveitingar til íbúðakaupa og hins vegar fyrir sveitarfélög, en fasteignagjöld eru reiknuð út frá fasteignamati.
Auglýsing
Auglýsing
Höfundur
